Bakı, 6 sentyabr, AZƏRTAC
Azərbaycanın 21 yaşadək futbolçulardan ibarət yığması Avropa çempionatının seçmə mərhələsində bu gün növbəti oyununa çıxacaq.
AZƏRTAC xəbər verir ki, milli komanda Eş-syur Alzett şəhərində Lüksemburqun müvafiq yaş qrupundan ibarət seçməsi ilə qarşılaşacaq.
“Emil Mayriş” stadionunda keçiriləcək görüş Bakı vaxtı ilə saat 21:30-da başlayacaq. Matçı isveçrəli FIFA referisi Dezire Qrundbaxer idarə edəcək.
