Almaniyanın Münhen şəhərində İsrail Baş Konsulluğu yaxınlığında uzaq mənzilli silah daşıyan şübhəli polis tərəfindən güllələnərək öldürülüb. Hadisə konsulluq və nasist cinayətlərini əks etdirən muzeyin yaxınlığında baş verib. Polis vəziyyətin nəzarət altında olduğunu və başqa şübhəlilərin olmadığını açıqlayıb. Yerli media şübhəlinin konsulluğun qarşısındakı təhlükəsizlik kabinəsinə atəş açdığını bildirib. Sakinlərə xəbərdarlıq edilib və məlumat vermək üçün şahidlər çağırılıb. İstintaq davam edir.
Turkustan.az xəbər verir ki, İsrailin Almaniyadakı Baş Konsulluğu yaxınlığında silahlı hücumçu öldürülüb.
Almaniyanın Münhen şəhərindəki İsrail Baş Konsulluğu yaxınlığında silahlı şübhəli polis tərəfindən güllələnərək öldürülüb.
Polisin verdiyi açıqlamaya görə, İsrail Baş Konsulluğu və şəhər mərkəzində nasist rejiminin cinayətlərini əks etdirən muzeyin yaxınlığında uzaq mənzilli silah daşıyan şübhəli şəxsə atəş açılıb. Şübhəli şəxs açılan atəş nəticəsində yaralanıb və qısa müddət sonra dünyasını dəyişib.
Səlahiyyətlilər vəziyyətin nəzarət altında olduğunu və ərazidə başqa şübhəlinin olmadığını bildiriblər. Hadisə zamanı polis də daxil olmaqla başqa ölən və yaralananların olmadığı bildirilib.
Polis ərazi sakinlərini hadisə yerindən uzaq durmağa çağırarkən, hadisə şahidlərindən və ya hadisənin görüntülərini çəkənlərdən onlarla əlaqə saxlamağı xahiş edib.
Yerli mətbuatda çıxan xəbərlərdə şübhəlinin Baş Konsulluğun qarşısındakı təhlükəsizlik kabinəsinə atəş açdığı iddia edilib. Daxmada 5 polis əməkdaşının olduğu bildirilib.
Hadisə yeri polis tərəfindən ciddi şəkildə mühasirəyə alınıb və araşdırmalara başlanılıb.
İstintaq davam edir.
Eltac Zülfüqaroğlu/Turkustan.az
