Qlobal iqtisadi böhran bir çox şirkətin iflasa uğramasına səbəb olarkən, rinqə daha bir nəhəng brend əlavə olundu.
Tribunainfo.az Haberler-ə istinadən xəbər verir ki, geyim sənayesinin qabaqcıl adlarından biri olan cins markası “Score” iflas edən şirkətlər siyahısına qoşulub.
Hollandiyada 50-dən çox mağazası olan brendin iflasından sonra təxminən 450 işçi işsiz qalacaq.
Koronavirus pandemiyası və sonrakı bağlanmalar bir çox şirkəti çətin vəziyyətdə qoysa da, Rusiya-Ukrayna müharibəsinin gətirdiyi iqtisadi qeyri-müəyyənliklər də prosesi daha da pisləşdirdi. Bir çox kiçik və iri şirkətlər iflas ərəfəsində olduğu halda, bu dəfə bəd xəbər geyim sənayesindən gəldi.
Score-dan başqa, eyni sahibin başqa bir denim markası olan “Chasin” də müflis oldu. İflas qərarını Zutphen məhkəməsi elan edib.
