Aleksandr Orlov Bakıda “More More” və “Eva” unikal restoranlarının yaradılmasından danışır – FOTO
Bakı regionun qastronomiya paytaxtı statusunu inamla möhkəmləndirir, dünyanın hər yerindən gələn qurmanları cəlb edən daha da unikal və zövqlü məkanlar təklif edir. Şəhər günü-gündən fərqlilik və keyfiyyəti dəyərləndirənlər üçün daha da cazibədar olur. Bu qastronomik canlanmanın mərkəzində bu gün tanınmış restorançı Aleksandr Orlovun iki yeni layihəsi yer alır. Tezliklə, dəbli Port Baku Walk gəzinti ərazisində dəniz məhsulları restoranı «More More» və Yunan mətbəxi restoranı «Eva» öz qapılarını açacaq. 1news.az-a verdiyi müsahibədə Aleksandr Orlov bu iki məkanın qonaqlarını necə təəccübləndirəcəyi və Bakının kulinariya xəritəsində necə həqiqi incilərə çevriləcəyi barədə ətraflı məlumat verdi. - «More More» və «Eva» restoranları Port Baku Walk-da açılır – Azərbaycanın paytaxtında yeni layihələrinizi məhz bu məkanda həyata keçirmək qərarına necə gəldiniz? - Məkanı mənə tərəfdaşlar təklif etdilər. Port Baku Walk Bakı üçün yeni və genişmiqyaslı bir layihədir və burada açılmaq olduqca riskli idi, amma mən bu ideyaya inandım və burada iki yeni layihə başlatmağa qərar verdim. Mənim fikrimcə, bu məkan çox qısa müddətdə restoranlarda vaxt keçirməyi, müxtəlif dadlı yeməkləri dadmağı və sadəcə olaraq yaxşı bir ortamla bu zonada gəzintiyə çıxmağı sevən insanlar üçün cəlbedici bir nöqtəyə çevriləcək. - Bakıda yeni layihələr üçün niyə məhz dəniz məhsulları restoranı və Yunan mətbəxi restoranı konseptlərini seçdiniz? - Bu konseptləri seçməyimizin səbəbi, Bakıda belə layihələrin olmamasıdır və mənim fikrimcə, bu tip restoranlar burada çatışmırdı. Buna görə də, biz məhz olmayanı yaratdıq. - Bakıda yeni layihələrdən gözləntiləriniz necədir? - Heç vaxt məqsədsiz heç nə etməmişəm və etmirəm də – gözləyirəm ki, «More More» və «Eva» böyük maraq görəcək və burada hər zaman məmnun qonaqlar və dolu masalar olacaq. Buranın dadlı, xoş və əyləncəli olacağına söz verirəm – məhz bu məqsədlə Azərbaycan paytaxtında yeni layihələri başlatdım. - Sizcə, «More More» və «Eva» restoranlarının potensial qonağının ümumi obrazı necədir? - Qonaqlarımız üçün vahid bir obrazı ayırd edə bilmirəm. Məncə, bu həm biznesmenlər, həm dadlı yeməkləri sevənlər, həm də məkanın maraqlı ab-havasına dəyər verənlər və bir çox başqalarıdır. Restoranlara getməyi sevən, ümumilikdə restoran mədəniyyətini qiymətləndirən hər kəs bizim potensial qonağımızdır. - Yeni restoranlarınızda orta hesab nə qədər olacaq? - Dəqiq rəqəm deyə bilmərəm, çünki bəzi qiymətlər hələ tam müəyyənləşdirilməyib. Amma onu deyə bilərəm ki, restoranlarda müəyyən unikal təkliflər olacaq, onların qiyməti müəyyən dərəcədə yüksək ola bilər, həm də kifayət qədər sadə yeməklər olacaq ki, onların qiyməti çox baha olmayacaq. Belə demək olar ki, hər kəs öz büdcəsinə uyğun bir şey tapa biləcək. - «More More» və «Eva» restoranlarının əsas özəllikləri hansılardır? - «More More» restoranının əsas özəlliyi nadir dəniz məhsullarıdır, onların bir hissəsi Rusiyanın şimalından gətirilir. Məsələn, Bakıda çox güman ki heç kimin eşitmədiyi və dadmadığı nelma və muksun kimi balıqlar təqdim olunacaq. Həmçinin türbof, qeyri-adi qabıqlı dəniz məhsulları - vonqole, midiya və s. gətiriləcək. Əlbəttə ki, menyuda yerli balıq və dəniz məhsulları da var – nərə balığından hazırlanan bir çox yemək, həmçinin krab və krevetli qutablar, dəniz məhsulları ilə dolma da mövcuddur. Burada həm də kürü və kürü ilə müxtəlif yeməklər hazırlayacağıq. «More More» konsepsiyasını Bakının yerli mətbəxinə maksimum uyğunlaşdırmağa çalışdıq və düşünürəm ki, bu fakt qonaqlarımızın çox xoşuna gələcək. - Yeni restoranlarda ən çox sevdiyiniz yeməkdən danışsaq, bu hansı yeməkdir? - Mən çiy balıqdan hazırlanan yeməkləri çox sevirəm və «More More» menyusunda kifayət qədər bu cür dadlı yeməklər var. Hər kəsə mütləq ispanaq və krevetli qutabları, krab ilə hazırlanan kələm dolmasını və yuxarıda qeyd etdiyim dəniz məhsulları ilə dolmanı sınamağı tövsiyə edərdim. Həmçinin menyumuzda dəniz məhsulları ilə hazırlanan şaurma da var. Əminəm ki, bu yeməklər ən təcrübəli qurmanları belə heyrətləndirəcək və onlara unudulmaz bir təəssürat bəxş edəcək. Hər kəs burada öz zövqünə uyğun bir şey tapa, həqiqi kulinariya incilərindən həzz ala və dadın yeni qütblərini kəşf edə biləcək. - Potensial qonaqların «More More» və «Eva» restoranlarını ziyarət etmələri üçün üç əsas səbəbi deyə bilərsinizmi? - Bizdə hər şey çox ləzzətli, çox gözəl və çox əyləncəlidir! - Azərbaycan bazarında iştirakınızı daha da genişləndirmək planlarınız varmı? - Əlbəttə, biz restoran sahəsində aktiv inkişafımızı davam etdirəcəyik, həmçinin Bakıda unikal yanaşma və yüksək keyfiyyətli xidmətləri ilə seçilən «Orlov hamamları» kompleksini açmağı planlaşdırıram. Bu istiqaməti də burada aktiv şəkildə inkişaf etdirəcəyik. Söz verirəm ki, bu çox qeyri-adi və möhtəşəm olacaq!
