Müəllif: Tamara Mustafayeva, Banco.az
ABŞ-da kənd təsərrüfatından kənar məşğulluq avqust ayında 142 min nəfər artıb.
Banco.az xəbər verir ki, FED-in monetar siyasəti üçün kritik əhəmiyyət kəsb edən kənd təsərrüfatından kənar məşğulluq məlumatları açıqlanıb.
Məlumatlar göstərir ki, ölkədə kənd təsərrüfatından kənar sektorlardakı məşğulluq avqust ayında 142 min nəfər artıb. Ekspertlər 165 min artım gözləyirdilər.
ABŞ-da işsizlik səviyyəsi isə avqustda 0,1 bənd azalaraq 4,2 faiz təşkil edib. Bazar proqnozları da məhz bu istiqamətdə idi. İyulda işsizlik səviyyəsi 4,3 faiz təşkil etmişdi.
