Vaşinqton administrasiyası Ukraynaya silah-sursat da daxil olmaqla 250 milyon dollar məbləğində yeni hərbi yardım paketi ayırıb. AFN.az xəbər verir ki, bu barədə Pentaqonun bəyanatında deyilir."Bu gün ABŞ Müdafiə Nazirliyi Ukraynanın kritik təhlükəsizlik və müdafiə ehtiyaclarını ödəmək üçün əlavə hərbi yardım elan edib. Paket 250 milyon dollar dəyərində qiymətləndirilir. Buraya RIM-7 zenit-raket kompleksləri, HIMARS reaktiv yaylım atəş sistemləri üçün döyüş sursatı, 155 mm və 105 mm-lik artilleriya mərmiləri, insan daşına bilən “Stinger” hava hücumundan müdafiə sistemləri, AT-4, TOW və Javelin tank əleyhinə raket sistemləri daxildir" deyə sənəddə qeyd edilib.Bundan əlavə, paketə "Bradley" PDM-lər, M113 zirehli personal daşıyıcıları, minaya dözümlü pusqudan mühafizə olunan personal daşıyıcıları (MRAP), patrul qayıqları, kiçik silah sursatları və qumbaralar, söküntü qurğuları və hissələri daxildir. Vaşinqton artıq ABŞ anbarlarında olan silahları Kiyevə göndərəcək.
