Nyu-York məhkəməsi ABŞ prezidentliyinə namizəd Donald Trampın biznes hesabatlarını saxtalaşdırmaq ittihamı ilə çıxarılan hökmünü sentyabrın 18-dən noyabrın 26-na təxirə salıb.
Yeniavaz.com xəbər verir ki, bu barədə “BBC News” məlumat yayıb.
Belə ki, hökmün elanı noyabrın 5-də ABŞ-də keçiriləcək prezident seçkilərindən sonra baş tutacaq.
Nyu-York Ali Məhkəməsinin hakimi Huan Merçan təxirə salınmanın səbəblərindən biri kimi “işin yerləşdiyi unikal vaxt çərçivəsini” göstərib. Onun sözlərinə görə, münsiflər heyətinin Trampı mühakimə etməsinə dair hökmü qarşıdan gələn prezident seçkilərinin miqyası ilə qarışmayan şəkildə nəzərə alınmalıdır.
Qeyd edək ki, Trampın bu iş üzrə hökmü ikinci dəfədir ki, təxirə salınır. İyulun əvvəlində hakim hökmü iki ay, sentyabrın 18-nə təxirə salıb. Gecikməni münsiflər heyətinin qərarını ləğv etməyə çalışan keçmiş ABŞ prezidentinin vəkilləri tələb ediblər.
Xatırladaq ki, mayın 30-da Nyu-Yorkda münsiflər heyəti Donald Trampa qarşı təqsirli hökmünü geri qaytararaq, onu 34 iş sənədlərini saxtalaşdırmaqda təqsirli bilib. Trampa qarşı iş onun 2017-ci ildə vəkil Maykl Kohenə vəkillik haqqı adı altında etdiyi ödənişlərdən qaynaqlanır. Əslində ödənişlər Trampın 2006-cı ildə görüşdüyü aktrisa Stormi Danielsin susmasına görə xərclərini qarşılayıb.

• Abş
• Məhkəmə
• Seçkilər
• Donald Trump
• Donald Tramp
• Ittiham
• Abş Prezidenti
• Nyu-York
• Prezident Seçkiləri
• Tramp
• Biznes
• Sentyabr
• Hökm
• Ittihama
• Noyabr
• Höküm
• Abş Prezidentliyi
• Nyu-York Məhkəməsi
• Saxtalaşdırmaq
• Hökmü
• Biznes Hesabatları
• Biznes Hesabatlarının Saxtalaşdırılması
• Hökmün Təxirə Salınması