Mingəçevirdə dələduzluq edən şəxs saxlanılıb

Mingəçevir Şəhər Polis Şöbəsinin əməkdaşları dələduzluq etməkdə şübhəli bilinən 35 yaşlı Vüsal Xəlilovu saxlayıb.

Daxili İşlər Nazirliyinin Mətbuat Xidmətinin Şəki regional qrupundan APA-ya verilən məlumata görə, V.Xəlilov zərərçəkənlərin etibarından sui-istifadə edərək onların iri və xırdabuynuzlu heyvanlarını ələ keçirib. Bu kimi dələduzluq əməlləri ilə o, 8 nəfərə 300 min manat maddi ziyan vurub. Saxlanılan şəxs zərərçəkmişlərdən aldığı heyvanları dəyərindən ucuz qiymətə satdığını bildirib.
Məhkəmənin qərarı ilə V.Xəlilov barəsində həbs qətimkan tədbiri seçilib, araşdırmalar davam etdirilir.
Həmin şəxsin qanunsuz əməllərindən zərərçəkən başqa vətəndaşlar olarsa, bu barədə polis orqanlarına məlumat verə bilərlər.

Mənbə: apa.az

Copyright © 2024 All Rights Reserved. Developed by scorpion.az

• Şübhə
• Saxlanma
• Polis
• Əməkdaş
• Şübhəli
• Ziyan
• Heyvan
• Saxlama
• Saxlanılma
• Zərərçəkən
• Dələduzluq
• Mingəçevir
• Maddi Ziyan
• Dələduz
• Polis Şöbəsi
• Vüsal Xəlilov
• Mingəçevir Şəhər Polis Şöbəsi