Belqorod vilayətində hücum pilotsuz təyyarəsi avtomobilə hücum edib, sürücü ağır yaralanıb.
Oxu24.com xəbər verir ki bu barədə Belqorod vilayətinin qubernatoru Vyaçeslav Qladkov özünün Telegram kanalında məlumat verib.
“Şamino kəndindəki Şebekinski şəhər rayonunda dron avtomobilə hücum edib. Bir nəfər yaralanıb”, - Qladkov yazıb.
Qubernatorun sözlərinə görə, qurban baş, döş qəfəsi, qolları, ayaqları və kürəyindən çoxsaylı xəsarətlər alıb. Onun vəziyyəti ağırdır. Həmin şəxs təcili yardım maşını ilə 2 saylı Belqorod şəhər xəstəxanasına göndərilib.
Qubernator onu da bildirib ki, Nikolskoye-Ziborovka yolu ilə hərəkət edən “KamAZ” markalı yük maşınına daha bir pilotsuz uçuş aparatı hücum edib. Hücum nəticəsində avtomobilə ziyan dəysə də, sürücü xəsarət almayıb. Bundan başqa, Kozmodemyanovka kəndində pilotsuz təyyarənin hücumu zamanı partlayıcı qurğunun qəlpələri üç avtomobilə və fərdi yaşayış evinin hasarına ziyan vurub.
Miri
