İtaliya yığmasının baş məşqçisi Luçano Spalletti UEFA Millətlər Liqasında Fransa yığması üzərində səfər qələbəsini şərh edib.
Arena.az xatırladır ki, “skuadra adzurra” yarışın A Liqasının 2-ci qrupunun 1-ci turu çərçivəsində “Park de Prens”də keçirilmiş oyunda 3:1 hesablı əzmkar qələbə qazanıb.
“Hər zaman səy edilməli bir məqam var. Mükəmməl oynamaq mümkün deyil. Komanda olaraq qalmaq vacib idi. Meydanda çox gərginlik vardı, hətta kiçik bir vəziyyət belə, çılğınlığa səbəb ola bilərdi. Həlledici anda mətanət rol oynayır, çünki məqsədə çata bilməyəcəyiniz qorxusu var”, – deyə Spalletti matçdan sonra baş tutan mətbuat konfransında bildirib.
Qələbə sayəsində İtaliya yığması A Liqasının 2-ci qrupunda 3 xalla liderliyi ələ keçirib. Xalsız “xoruzlar” isə qrup sonuncusudurlar.
Xatırladaq ki, UEFA Millətlər Liqasının cari çempionu İspaniya yığmasıdır.
