Ermənistanın Armavir rayonunun Nalbandyan kəndində atışma nəticəsində bir polis ölüb.
Yeniavaz.com xəbər verir ki, bu barədə Ermənistan Daxili İşlər Nazirliyi məlumat yayıb.
Bildirilir ki, polis əməkdaşlarına kənd sakinlərindən birinin silah gizlətməsi barədə əməliyyat məlumatı daxil olub. Polislər ünvana gəldikdə şübhəli şəxs avtomat silahdan onların istiqamətində atəş açıb. Ən azı iki polis əməkdaşı xəstəxanaya çatdırılıb, onlardan biri özünə gəlmədən dünyasını dəyişib.
