1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Liverpul"un keçmiş kapitanı Ron Yeyts 86 yaşında vəfat edib.
Oxu.Az xəbər verir ki, bu barədə İngiltərə futbol klubunun saytı məlumat yayıb.
Son illərdə Yeyts Alzheymer xəstəliyindən əziyyət çəkirdi.
Yeyts 1961-1971-ci illərdə "Liverpul"da çıxış edib. O, komandanın heyətində 454 oyun keçirib, 400-dən çox oyunda kapitan kimi çıxış edib. "Liverpul" tarixində yalnız Stiven Cerrard kapitan kimi daha çox oyun keçirib.
"Liverpul"la Yeyts ikiqat İngiltərə çempionu (1963/64, 1965/66), kubok (1964/65) və üç dəfə Superkubok (1964, 1965, 1966) qazanıb.
Müdafiəçi karyerasını 1977-ci ildə başa vurub. 1986-cı ildə Yeyts baş skaut kimi "Liverpul"a qayıdıb və 2006-cı ilə qədər orada çalışıb.
