1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ-də həkimlər ilk dəfə quş qripini infeksiya daşıyıcısı olan heyvanlarla təmasda olmayan şəxsdə aşkarlayıblar.
Oxu.Az xəbər verir ki, bu barədə "Associated Press" yazır.
Məlumata görə, virus xəstəxanaya yerləşdirilən Missuri sakinində aşkarlanıb. Bu, ABŞ-də mart ayından bəri qeydə alınan 14-cü quş qripi hadisəsidir.
Bununla belə, Xəstəliklərə Nəzarət və Qarşısının Alınması Mərkəzlərinin nümayəndələri əhali üçün riskin aşağı səviyyədə qaldığını vurğulayırlar.
O da məlum olub ki, xəstəliyə yoluxmuş şəxs avqustun 22-də A tipli qriplə bağlı müsbət nəticə ilə xəstəxanaya yerləşdirilib. Kişiyə virus əleyhinə dərmanlar təyin edilib. O, hazırda sağlamdır və evdədir. Xəstənin adı və yaşayış yeri açıqlanmır. Onun yaxınlarının infeksiyaya yoluxmadığı qeyd edilir.
