Türkiyənin Manisa rayonunda bir toyda görünməmiş hadisə baş verib.
Publika.az xəbər verir ki, Yunusemre mahalında yaşayan Doğan Çoban və Funda Akar Yunusemre Bələdiyyəsinin Millət Çarşısındakı şadlıq sarayında toy edib.
15 ildir krançı işləyən bəy gəlin maşını kimi inşaat kranını seçib. Onu bəzəyərək gələcək həyat yoldaşını şadlıq sarayına aparıb.
Çoban etdikləri bu fərqlilikdən xoşbəxt olduqlarını bildirib: “Bir dost vasitəsilə tanış olduq. Sonradan bir-birimizə inam və hörmət qazandıq. Bir-birimizə sadiq olduğumuz üçün evlənmək qərarına gəldik. Toyda fərqli bir şey etmək üçün bu fikrə gəldik. Biz özümüz üçün xoşbəxtik".
