Keçmiş ədliyyə naziri Hrayr Tovmasyanın işi üzrə keçirilən prosesdə hakim Tatevik Qriqoryan yatıb.
İnterpress.az xəbər verir ki, bu barədə erməni mediası məlumat yayıb.
Konstitusiya Məhkəməsinin hakimi Hrayr Tovmasyan çıxış edib. O, ona qarşı qaldırılan cinayət işinin niyə dayandırılmalı və cinayət təqibinə xitam verilməli olduğu barədə danışarkən hakimi yuxu tutub.
Tovmasyan və vəkili Aram Orbelyan onu yuxudan oyadaraq, bir neçə dəqiqəlik fasilə verməyi təklif ediblər.
Hakim saat 14:00-da fasilə verəcəyini deyərək iclasın təxirə salınmasına icazə verməyib.
Xuraman Etibarlı
İnterpress.az
