Vaşinqton, 12 sentyabr, AZƏRTAC
ABŞ Venesuelanın bir qrup rəsmi şəxsinə sanksiya tətbiq edib.
AZƏRTAC-ın ABŞ Xəzinə Departamentinə istinadən verdiyi məlumata görə, yeni sanksiya Prezident Nikolas Maduronun komandasından 16 şəxsə şamil edilib. Sanksiya siyahısına daxil edilənlər arasında Milli Seçki Şurası, Ali Ədliyyə Tribunalı və Milli Assambleyanın rəhbərlərinin adları da var. Sanksiya ABŞ-ın bu ilin iyulunda Venesuelada keçirilmiş prezident seçkilərinin nəticələrini tanımaması ilə bağlıdır.
Bugünkü sanksiya da daxil olmaqla Xəzinə Departamenti 140-dan çox venesuelalı indiki və keçmiş rəsmi şəxslərə sanksiya tətbiq edib. Həmçinin 2000-ə yaxın şəxsin adı Dövlət Departamentində viza məhdudiyyəti tətbiq edilə biləcək şəxslər kimi qeydiyyata alınıb.
Məlahət Nəcəfova
AZƏRTAC-ın xüsusi müxbiri
Vaşinqton
