Finlandiya Müdafiə Qüvvələrinin Baş Qərargahı pilotsuz təyyarələrin ölkə ərazisindən Rusiya ərazisinə buraxılması ilə bağlı iddiaları təkzib edib.
Bu barədə "Yle" qəzeti məlumat yayıb.
“Dronların 2024-cü il sentyabrın 10-da Finlandiyadan buraxılması ilə bağlı iddialar həqiqətə uyğun deyil. Finlandiya ərazisindən Rusiyaya qarşı bu cür hərəkətlər olmayıb və olmayacaq", - Baş Qərargahdan nəşrə bildiriblər.
Departament əlavə edib ki, Finlandiya və onun müttəfiqləri vəziyyəti izləyir.
