Rusiya ilə münaqişədə dünyanın 50 ölkəsi Ukraynaya, Moskvaya isə yalnız Minsk kömək edir.
Publika.az BELTA-ya istinadla xəbər verir ki, bunu Belarus Prezidenti Aleksandr Lukaşenko deyib.
O vurğulayıb ki, bu, ona görə baş verir ki, respublika qanuni və faktiki olaraq bunu etməlidir.
Lukaşenkonun sözlərinə görə, Kiyev Belarusun cavab verəcəyi ümidiylə "Amerikanın komandası” ilə Minsklə münasibətləri pisləşdirməyə başlayıb. Prezident əlavə edib ki, Ukrayna tərəfinin bəxti gətirib ki, respublika münaqişəyə girməyib.
