“Dünyanın ən dəhşətlisi” adlandırılan belaruslu bodibilder İlya Efimçik 36 yaşında vəfat edib.
Sfera.az bildirir ki, ölüm səbəbi infarkt olub.
İlya "Golem" Efimçik gündə yeddi dəfə yemək yeyib, 108 ədəd suşi və 2,5 kiloqram biftek daxil olmaqla 16500 kalori istehlak edir və 6-7 litr su içirdi.
185 santimetr boyu ilə 158 kq çəkidə olub.
O, 272 kq-lıq skamya presi ilə çıxış edib, çömbəlmə və detamlift üzrə şəxsi rekordu 317 kq olub.
Bildirilir ki, sentyabrın 6-da İlya Efimçik evdə infarkt keçirib.
Bodibilder helikopterlə xəstəxanaya aparılıb, sonra komaya düşüb.
Peşəkar şəkildə yarışmasa da, o sosial mediada çox məşhurlaşıb və İnstaqramda 300.000-dən çox izləyicisi olub. Pərəstişkarları onun insan performansının sərhədlərini aşdığına inanırdılar.
İlya "Golem" Efimçik bildirib ki, o, həmişə Arnold Şvartsenegger kimi sinə və biseps sahibi olmaq istəyib. İlya Efimçik Belarusda, daha sonra Çexiyada, ABŞ-da və Dubayda yaşayıb.
"Mənim transformasiyam illərlə etdiyim ağır məşq, nizam-intizamın fiziologiyası və qidalanma anlayışı ilə birləşmənin nəticəsi idi. Missiyam insanlara iş etikası aşılamaq idi ki, onlar qorxuları ilə üzləşə və onlara qalib gələ bilsinlər, özlərini və başqalarını yaxşılaşdırmaq üçün inamla hərəkət edə bilsinlər"-deyə İlya müsahibələrinin birində bildirib.
Aynil
Sfera.az
