Beynəlxalq Maşinistlər və Aerokosmik İşçilər İttifaqının üzvləri razılaşma təklifini rədd etdikdən və tətilə səs verdikdən sonra Boeing Co.-nun Sietldəki (Seattle) müəssisəsində istehsal dayandırılıb.
Marja xəbər verir ki, bu tətil, ABŞ-ın Qərb Sahilində 33 min Boeing işçisini təmsil edən Beynəlxalq Maşinistlər və Aviasiya İşçiləri Assosiasiyası bölgəsində 2008-ci ildən bəri ilk tətildir (işin kütləvi və mütəşəkkil surətdə dayandırılmasıdır).
Beynəlxalq Maşinistlər və Aerokosmik İşçilər İttifaqının üzvləri əmək münasibətlərində islahatlar aparacağına söz verən Boeing-in yeni baş direktoru Kelli Ortberqin çağırışlarına və 4 il ərzində 25 faiz əməkhaqqı artımını ehtiva edən şərtləri qəbul etmələri ilə bağlı tövsiyələrə məhəl qoymayıblar.
Bu, təyyarə istehsalçısı tərəfindən indiyə qədər təklif edilən ən böyük əməkhaqqı artımı olsa da, işçilər daha böyük artım gözləyirdilər. Üstəlik, şərtlərin illik bonusu aradan qaldırması mənfi atmosfer yaradıb.
Boeing, əsasən Sietldəki bölgəsində olan 33 000 təyyarə montaj işçisinin tətilə gedib-getməyəcəyini və şirkətin ən çox satılan təyyarələrinin istehsalını dayandırıb-dayandıracağını öyrənməyə hazırlaşırdı.
