Pavel Durovun cinayət təqibinə başlandıqdan sonra Telegram messenceri Fransa milli polisi və jandarmının bir neçə araşdırma ilə bağlı sorğularına cavab verməyə, habelə cinayətkarların tapılmasına kömək edə biləcək məlumatları ötürməyə başlayıb, Liberation xəbər verir.
Milli Prokurorluğun Kibercinayətkarlıqla Mübarizə Departamentinin rəhbəri Coanna Brousse bildirib ki, Telegram hüquq-mühafizə orqanlarının işində daha fəal iştirak edib. Belçika Federal Prokurorluğu da messencerin sorğulara daha tez-tez cavab verməyə başladığını bildirib.
Durov avqustun 24-də Fransaya gələrkən saxlanılıb. O, təhlükəsizlik qüvvələrinə məlumat ötürməkdən imtina etdiyinə və ağır cinayətlərin törədilməsinə köməklik etməkdə ittiham olunub. Avqustun 28-də Durov 5 milyon avro girov müqabilində həbsdən azad edilib və Fransa ərazisini tərk etmək qadağası ilə məhkəmə nəzarətinə götürülüb.
Oxuməni.az
