Rusiya prezidenti Vladimir Putin RF Silahlı Qüvvələrinin şəxsi heyətinin sayının müəyyən edilməsi haqqında fərman imzalayıb. Sənəd rəsmi hüquqi informasiya portalında dərc olunub.
Fərmana əsasən, Rusiya Silahlı Qüvvələrinin şəxsi heyətinin sayı 2 milyon 389 min 130 nəfər müəyyən edilib, onlardan 1 milyon 500 min nəfəri hərbi qulluqçu olacaq. Sənəd 2024-cü ilin dekabrında qüvvəyə minir.
Putinin 2023-cü ilin dekabrında imzaladığı əvvəlki oxşar fərmanla Rusiya Silahlı Qüvvələrinin şəxsi heyətinin sayı 2 209 130 nəfərə (1 329 000 hərbi qulluqçuya) yüksəlmişdi. Bugünkü qərarla Putin ordunun şəxsi sayını 180 min nəfər artırıb.
Rusiya Müdafiə Nazirliyi hələlik Putinin yeni fərmanını şərh etməyib.
