“Zaurun verilişinə bir daha getməyəcəyəm”

Əməkdar artist Nigar Şabanova ötən gün qonaq olduğu "Rəngarəng" verilişində gərgin dolu anlar yaşadığını açıqlayıb.

Demokrat.az olay-a istinadən bildirir ki, bu haqda sənətçi instaqram səhifəsində yayımladığı videoaçıqlamada məlumat verib.

Şabanova sözügedən proqramın aparıcısı Zaur Nəbioğluya və onun ünvanladığı suallara qəzəbləndiyini bildirib:

"Verilişinizə qonaq çağırdığınız müğənniyə öz janrına uyğun suallar verin. Bu haqda mən biraz kobud şəkildə aparıcı Zaur Nəbioğluna dedim. Mən tətildən əvvəl artıq neçə veriliş idi ki, Zaur Nəbioğlunun verilişinə çıxmırdım. Onun verilişinə qonaq gəlmək təkliflərini də qəbul etmirdim. O məni öz doğum günü məclisinə də çağırdı, getmədim. Tətildən sonra özü mənə zəng vurdu verilişinə dəvət etdiyi deyə təklifini qəbul etdim və verilişinə nahaq getdim. Bəli, nahaq getdim. Verilişlərə gedəndə aparıcılara əvvəlcədən deyirəm ki, mənə artıq suallar verməyin. Mən bunu xahiş həmdə tələb edirəm. Tələb etməyə də haqqım var. Bunu hamı bilir. Bütün bunlara rəğmən gözləmədiyim anda mənə yenə xoş olmayan suallar verildi".

Nigar illər əvvəl qalmaqal yaşadığı Xalq artisti Mələkxanım Eyubova ilə bağlı məsələsini yenidən gündəmə gətirdiyinə görə Zauru tənqid edib:

"6-7 il bundan əvvəl verilişlərin birində dəyərli sənətkarımız Mələkxanım Eyubova ilə bağlı ötəri söz-söhbətlər keçmişdi, suallar verilmişdi. Bu gün onun şəklini verilişinizdə qoydunuz amma istədiyinizi əldə edə bilmədiniz və mənə başqa suallar verdilər. Amma mən əvvəlcədən demişdim ki, şəxsi həyatımla bağlı suallar və paylaşımlar etməyin. Bir reytinqə görə özünüzə nifrət qazanmayın. Veriliş bitəndən sonra Zaurun özünə də dedim ki, bu söhbətlərin yayılmasını istəmirəm. Elə edin ki, yayılmasın. Sən mənə şəxsi həyatımla bağlı sual verdin və mənə də yaraşmazdı ki, qorxaq kimi həmin sualdan qaçım. Mənim üçün bu ayıb olardı. Amma yenə də öz bildiyinizi etdiniz. O xanımı ora qatmaq düzgün deyil idi. O qadının əlbətdəki bəlli yaşı var (Mələkxanım Eyubovanı nəzərdə tutur - red.). O da mən də uşaq yaşda deyilik. İllər əvvəl yaşanan bir söhbəti yenidən açmaq bir aparıcı üçün bu çox ayıb bir şeydir. Baxmayaraq ki, mən dönə-dönə xahiş etdim ki, belə suallar mənə verməyin".

Əməkdar artist həmkarları Vəfa Şərifova ilə Zeynəb Həsəni ilə bağlı verilən suallara da əsəbiləşdiyini vurğulayıb:

"Bəzi ifaçılar toylarla öyünürlər. Toy sənət və peşəkarlıq deyil. Peşəkarlıq göz önündə olur və bunun nə olduğunu da hamı gözəl bilir. Amma yenə də mən hamıya hörmətlə yanaşıram çünki hamımız toya gedirik və oradan çörək qazanırıq. Gözlənilmədən mənə xanım həmkarım haqda verilən sualı reklama çevirməyin. Bu yaxşı bir şey deyil. Siz özünüzdə gördünüz ki, mən Vəfa Şərifova və Zeynəb Həsəninin arasında qalanda həqiqətən də səsi olan insan haqqında fikir söylədim".

Müğənni bundan sonra aparıcı Zaur Nəbioğlunun heç bir verilişinə qatılmayacağını dilə gətirib:

“Zaurun verilişinə bir daha getməyəcəyəm”

Hesaba daxil ol

Qeydiyyatdan keç

Şifrəni bərpa et