"Turan Tovuz"u "Qəbələ"yə dəyişən hücumçu: "Maksimum çox oynamaq şansı qazanmaq istəyirəm"

"Qəbələ"dən sərfəli təklif gəldi və bir qədər düşündükdən sonra dəvətə müsbət yanaşdım". Bu sözləri Sport24.az-a açıqlamasında Elşad Tağıyev deyib.
 
"Turan Tovuz"un yetirməsi I Liqa təmsilçisinə keçidini daha çox oynamaq istəyi ilə əlaqələndirib: "Hazırda elə yaşdayam ki, maksimum çox oynamaq şansı qazanmaq istəyirəm. Ehtiyatda oturmaqla barışmıram. Əsas istəyim maksimum oyun təcrübəsi qazanmaq və oyun planında "artırmaqdı". Gələcək də əsas istəyim öz mövqeyimdə, hücum planında ən yaxşılardan olmaqdı. Odur ki, bu mövsüm "Qəbələ"də özümü maksimum inkişaf etdirmək istəyirəm. Bununla yanaşı komandam üçün də əlimdən gələnin ən yaxşısını etməyə çalışacam".
 
Qeyd edək ki, 23 yaşlı hücumçu "transfer pəncərəsi"nin bağlanmaslına saatlar qalmış "Turan Tovuz"u "Qəbələ"yə dəyişib.ABDULLA İSMAYILOĞLU