ABŞ məhkəməsi TikTok qadağasının konstitusiyaya uyğunluğunu yoxlayacaq.
İnterpress.az xəbər verir ki, bu barədə ABŞ Ədliyyə Departamenti məlumat yayıb.
Bazar ertəsi TikTok və ABŞ hökuməti apellyasiya məhkəməsində qarşı-qarşıya gəlib. Üç hakim Bayden administrasiyası tərəfindən imzalanan TikTok-u qadağan edən qanun layihəsinin konstitusiyaya zidd olub-olmaması ilə bağlı qərar verəcək.
ABŞ Ədliyyə Departamenti iddia edir ki, 170 milyon amerikalının istifadəçi məlumatlarına çıxışı olan bir Çin şirkəti milli təhlükəsizliyə təhdid kimi təsnif edilir.
Bununla belə, nazirlik ana şirkəti “ByteDance” Çində yerləşən TikTok-a qadağanı dəstəkləyən heç bir sübut təqdim edə bilməyib.
TikTok-un vəkilləri, tətbiqin qadağan edilməsini nəzərdə tutmayan alternativ “təhlükəsizlik problemlərini həll etmək üçün məhdudlaşdırıcı yollar” olduğunu iddia edirlər.
Qərarın noyabr ayına qədər veriləcəyi gözlənilir. TikTok üçün əlverişsiz olduğu ortaya çıxarsa, şirkət çox güman ki, Ali Məhkəməyə şikayət edəcək.
Xuraman Etibarlı
İnterpress.az
