Azərbaycan Premyer Liqasının növbəti görüşündə "Qarabağ" "Neftçi"ni məğlub edib.
"Report"un məlumatına görə, mövsümün ilk derbisi VII turda baş tutub.
Qarşılaşma Ağdam təmsilçisinin qələbəsi ilə bitib - 4:0.
"Neftçi"dən Robert Bauer 18-ci dəqiqədə avtoqol müəllifi olub. 29-cu dəqiqədə Olavio Juninyo, 45+3-cü dəqiqədə Yassin Benzia, 90+1-ci dəqiqədə Leandro Andrade adını tabloya yazdırıblar.
Bu nəticədən sonra xallarının sayını 15-ə çatdıran "köhlən atlar" liderliyə yüksəlib. "Ağ-qaralar" 4 xalla 8-9-cu yerləri bölüşdürür.
Qeyd edək ki, günün ilk matçında "Şamaxı" "Kəpəz"i məğlub edib - 2:0. VII turun digər oyunları sentyabrın 21-22-də baş tutacaq.
