Nüfuzlu səyahət resursu "European Best Destinations" Sloveniyanın Maribor şəhərini bu payızda səfər etmək üçün ən yaxşı Avropa məkanı adlandırıb. Bu, bir çox səyahətçinin məşhur turizm şəhərlərini kəşf etmək üçün ən yaxşı vaxt hesab etdiyi dövrdür.
Qaynarinfo xəbər verir ki, son araşdırma müəlliflərinin qeyd etdiyi kimi, sentyabrın ortalarından etibarən Mariboru əhatə edən üzüm bağlarının yarpaqları ən gözəl rənglərlə bəzənir. Bu arada, dünyanın ən qədim üzüm ağacı təxminən beş əsrdir ki, şəhərin mərkəzində böyüyür (rəsmi olaraq Ginnesin Rekordlar Kitabında qeydə alınıb) və bu, öz muzeyinə malik olan yeganə bitkidir - Köhnə Üzüm Evi.
Həmçinin Avropanın ən yaxşı kulinariya məkanlarından biri hesab edilən Maribor qitənin mərkəzində orijinallıq, unikal insan təcrübəsi, isti görüşlər və xoş kəşflər axtaranlar üçün ideal səyahət yeridir.
Bundan əlavə, əhalisi 100.000-dən az olan Maribor il ərzində çoxsaylı beynəlxalq mədəni və idman tədbirlərinə ev sahibliyi edən xoşbəxt və qonaqpərvər şəhər kimi tanınır.
Şəhər mərkəzindən bir neçə addımlıqda yaşıl Pokhorje dağında aktiv şəhər istirahətindən həzz almaq olar. Gözəl təbiət mənzərəsi yürüyüş, velosiped sürmək, xizək sürmək və ekstremal idman növləri üçün sonsuz imkanlar təqdim edir.
2024-cü ilin payızında ziyarət ediləcək ən yaxşı 10 Avropa məkanı:
1. Maribor, Sloveniya.
2. Kapadokya, Türkiyə.
3. Sevilya, İspaniya.
4. Florensiya, İtaliya.
5. Qranada, İspaniya.
6. Plitvice Gölləri, Xorvatiya.
7. San Andres, Tenerife adası, İspaniya.
8. Luqano, İsveçrə.
9. Budapeşt, Macarıstan.
10. Bodrum, Türkiyə.
Aydın
