OPPO Find X8 Pro smartfonu AnTuTu testlərində yeni rekorda imza atıb

     Təqdimata hazırlaşan OPPO Find X8 Pro smartfonunun AnTuTu bençmarkının testlərindən keçdiyi və bu bençmarkda yeni rekorda imza atdığı məlum olub. Belə ki, MediaTek Dimensity 9400 prosessoru vasitəsilə çalışan bu smartfon Android smartfonlar arasında AnTuTu-da ən yüksək nəticəni sərgiləyib. OPPO Find X8 Pro-nun AnTuTu testlərindən keçmiş versiyası 120 Hz-lik təsvir yenilənməsinə sahib ekran, 16 GB RAM və 1 TB daxili yaddaş həcmi ilə təchiz olunub. Bütün bunların sayəsində smartfon AnTuTu-da ümumilikdə 2 880 558 xal toplayıb. Qeyd etmək lazımdır ki, OPPO Find X8 Pro smartfonu OPPO Find X8 ilə birlikdə oktyabr ayının sonunda təqdim edilməlidir.