Ordunun döyüş qabiliyyəti artırılır

Azərbaycan Silahlı Qüvvələrinin ən müasir silah və texnikalarla təchiz olunması daim prioritetdir. Nəzərə alsaq ki, Azərbaycan bu gün regional gücdən qlobal gücə çevrilmək istiqamətində uğurlarını davam etdirir, hərbi sənayenin inkişafı və gücümüzün artırılması olduqca önəmlidir. Bu baxımdan, Silahlı Qüvvələrimizin döyüş potensialının gücləndirilməsi üçün dövlət büdcəsi mütəmadi olaraq artırılır. Zəruri olan bütün vasitə, avadanlıq və texnikalar Azərbaycan əsgərinin istifadəsinə verilir ki, bu da gələcəkdə revanşist qüvvələrin ölkəmizə qarşı baş qaldırmaması üçün çox vacib məsələlərdən biridir. Azərbaycan Silahlı Qüvvələrinin şəxsi heyəti Ali Baş Komandanımızın əmrini anında yerinə yetirməyə tam hazırdır. Biz bunu görürük, vacibliyini də anlayırıq.VII çağırış Milli Məclisin ilk iclasında cənab Prezidentin çıxışında da bu məsələləri aydınlıq gətirilib, vacibliyi izah edilib. Mən bu çıxışı həm də qalib sərkərdənin təhlilələri kimi də qiymətəndirirəm. “Qarabağ münaqişəsi həll olunub, tam və birdəfəlik. Ermənistanın rəsmi dairələri də öz bəyanatları ilə sanki bunu etiraf edirlər. Amma bununla paralel olaraq, bizim bütün təkidlərimizə rəğmən, Minsk qrupunu yenə də formal olaraq saxlamaq ancaq bir məqsədi güdə bilər ki, yenidən bizə qarşı ərazi iddiaları baş qaldırsın. Ermənistanın arxasında dayanan ölkələr, onların fəaliyyəti, onların qəbul etdikləri qərarlar, qətnamələr, açıqlamalar - bütün bunlar onu göstərir ki, bizə qarşı bu çirkin oyun hələ bitməyib. Bizim Qələbəmizi həzm edə bilməyən xarici dairələr bizə qarşı yeni planlar hazırlayır. Bu barədə geniş danışmağa ehtiyac yoxdur. Ancaq əldə edilmiş məlumatlar bunu göstərir. Media kampaniyasının, qarayaxma, iftira, böhtan kampaniyalarının da məqsədi məhz budur - bu mövzunu daim gündəlikdə saxlamaq və ümidlə yaşamaq ki, nə vaxtsa Azərbaycan büdrəsə, zəifləsə, yenidən bizə qarşı bu çirkin hərəkətlər başlasın. Yəni, biz bunu bilməliyik. Azərbaycan iqtidarı bunu bilir, ictimaiyyət də bunu bilməlidir. Ona görə bizim arxayınlaşmağa heç cür haqqımız yoxdur. Ona görə bir də deyirəm: vəzifə nömrə bir - hərbi gücümüzün artırılması və biz bunu edirik. İkinci Qarabağ müharibəsindən keçən dövr ərzində öz hərbi gücümüzü böyük dərəcədə artırmışıq, yeni silahlı birləşmələr yaradıldı, Xüsusi Təyinatlı Qüvvələrin say tərkibi bir neçə dəfə artırıldı. Yeni Xüsusi Təyinatlı Qüvvələr, Komando qüvvələri yaradıldı və onların da say tərkibi ildən-ilə artır və artacaq. Digər xüsusi təyinatlı silahlı birləşmələr yaradılmışdır və gecə-gündüz təlim işləri aparılır. Ordumuzun döyüş qabiliyyəti artır, texnika ilə təchizat lazımi səviyyədə təmin edilir və təmin ediləcəkdir. Ermənistan və onun arxasında duran istənilən ölkə bilməlidir ki, bizimlə şantaj və ultimatum dili ilə danışmaq mümkün olmayacaq. İstənilən cavabı verməyə hazırıq, buna qadirik və hər zaman buna hazır olmalıyıq”. Bir məqamı da qeyd etmək istəyirəm. Ordunun döyüş qabiliyyəti müharibədən sonra daha da möhkəmləndi, müasir silah-sursat, texnika ilə təchiz edildi. Azərbaycan bir ölkədən asılı olmamaq üçün lazımi texnikanı bir çox mənbələrdən aldı. Ordu quruculuğu hər zaman dövlət siyasətinin prioritet istiqaməti olub. Tarixi Zəfərimizdən ötən dörd il Qələbini şərtləndirən amillərin daha dəqiq təhlilində özünü göstərir. Düşünülmüş və məqsədyönlü siyasətin nəticəsində Qələbənin təminatı üçün siyasi və hüquqi baza yaradılmışdır. Siyasi sabitlik, vətəndaş birliyi təmin edildi. Xalqın dəstəyi əsasında mühüm islahatlar aparıldı. Azərbaycanın beynəlxalq nüfuzu artdı. Keçilən yolun təhlili fonunda Müzəffər Ali Baş Komandan İlham Əliyev bildirdi ki, biz birlik, iradə, əzmkarlıq, milli ruh göstərərək tarixi missiyamızı yerinə yetirdik.Rüstəm Nağıyev,YAP Gədəbəy rayon təşkilatının sədri.