Yaponiyanın Miyazaki hava limanında şübhəli partlayış və taksi yollarından birindən tüstü çıxmağa başlamasından sonra bütün uçuşlar ləğv edilib.
Bu barədə NHK telekanalı məlumat yayıb.
“İdarəetmə qülləsinin əməkdaşı çökmənin taksi yolunda bir qədər əvvəl baş verdiyini təsdiqləyib. Hazırda bunun partlayış olub-olmadığını yoxlayırıq. Hadisənin səbəbi müəyyənləşdirilir, lakin yaxın vaxtlarda zolaqların açılması şansı yoxdur”, - telekanal hava limanının administrasiyasının mesajından sitat gətirir.
Bildirilib ki, hadisə yerində iki yanğınsöndürmə briqadası işləyir. Heyət və sərnişinlər binadan təxliyə edilib.
