Bakı, 2 oktyabr, AZƏRTAC
“Azərbaycanda orta təhsil müəssisələrində iqlim dəyişikliyinə dair tədbirlər keçirilir”.
AZƏRTAC xəbər verir ki, bunu Bakı İqlim Fəaliyyəti Həftəsi çərçivəsində ADA Universitetində keçirilən “İqlim dəyişiklikləri və uşaqlarla bağlı yüksək səviyyəli milli tədbir” mövzusunda dəyirmi masada Elm və Təhsil Nazirliyinin Aparat rəhbəri Mətin Kərimli deyib.
O qeyd edib ki, iqlim dəyişikliyi uşaqların təhsilinə təsir edən amillərdən biridir: “Azərbaycanda noyabr ayında keçiriləcək COP29 tədbirində yaşıl təhsilə keçid məsələsinə də toxunulacaq. İqlim dəyişikliyi ilə mübarizə aparmaq istəyiriksə, böyük tədbirlər görülməlidir”.
