Azərbaycan Respublikası Milli Məclisinin İctimai Birliklər və Dini Qurumlar Komitəsinin 2024-cü ilin payız sessiyası üçün iş planı təsdiq edilib.
"Avrasiya Miqrasiya Təşəbbüsləri Platforması" İctimai Birliyinin sədri, deputat Azər Allahverənovun QHT.az-a özəl açıqlamasına görə, iclasda komitənin fəaliyyət istiqamətləri və qanun layihələri müzakirə olunub. Azər Allahverənov qeyd edib ki, iclasda komitənin 2024-cü ilin payız sessiyası üçün iş planının layihəsi müzakirə edilib və komitə üzvləri tərəfindən bir sıra təkliflər səsləndirilib. İş planında ictimai birliklərin ölkə vəziyyətinin öyrənilməsi, ictimai müzakirələrin təşkili, dini abidələrin vəziyyəti ilə bağlı tədbirlərin keçirilməsi, siyasi partiyaların vəziyyətinin öyrənilməsi, eləcə də Qafqaz Müslümanları Ruhanı İdarəsi ilə görüşlərin keçirilməsi nəzərdə tutulur.
Komitə sədri vurğulayıb ki, ictimai birliklər, siyasi partiyalar və dini qurumlarla bağlı vəziyyətin öyrənilməsi və bu əsasda ictimai müzakirələrin təşkil olunması ön planda olacaq. Eyni zamanda, müxtəlif dövlət qurumları və təşkilatlarla geniş səpkidə tədbirlərin keçirilməsi planlaşdırılır.
Azər Allahverənov, yeni dövrün ehtiyaclarına uyğun olaraq komitənin fəaliyyətinin daha da inkişaf etdiriləcəyini və gələcəkdə iş planında yer almış vəzifələrin icrası ilə bağlı fikirlərini paylaşacağını bildirib.
İclasda komitənin irəlidəki fəaliyyətinə dair müzakirələr davam etdirilib.
