Asiya Çempionlar Liqasının 2-ci turunun matçında "Əl-Nəsr" doğma meydanda "Ər-Rayyan"ı 2:1 hesabı ilə məğlub edib.
Fanat.Az xəbər verir ki, qələbə qolunu 76-cı dəqiqədə Kriştianu Ronaldu vurub.
Səudiyyə Ərəbistanının "Arriyadiyah" portalının məlumatına görə, “Əl-Nasr”ın müdafiəçisi Salem Əl-Najdi portuqaliyalı futbolçunun qolunu qeyd edərkən başından zədə alıb. İlk hissədə əvəzlənən Əl-Nəcdi qol vurularkən ehtiyat oyunçular skamyasından sıçrayaraq başını dama möhkəm vurub. Futbolçu yıxılıb və bir neçə dəqiqə huşsuz qalıb.
🎥 | إيقاف اللعب في مباراة #النصر_الريان لأكثر من 4 دقائق لإصابة سالم النجدي في دكة البدلاء قبل أن يتم نقله إلى غرفة الملابس. #دوري_أبطال_آسيا_للنخبة pic.twitter.com/F7xnZZbfdQ
— الشرق الأوسط - رياضة (@aawsat_spt) September 30, 2024
Hakim oyunu dayandırmağa məcbur olub. Əl-Nəcdi xərəkdə paltardəyişmə otağına aparılıb. 21 yaşlı müdafiəçi komandanın həkimin müşayiəti ilə stadionu tərk edib. Son məlumata görə, futbolçu artıq özünə gəlib və həyati təhlükəsi yoxdur.
Mirağa
