Bosniya və Herseqovinada yağan güclü yağışlar Yablanitsa, Konjiç, Fojnitsa və Kresevo şəhərlərində daşqınlara səbəb olub.
AZXEBER.COM xarici mediaya istinadən xəbər verir ki, daşqından ən çox zərər çəkən Yablanitsada sürüşmə səbəbindən bir çox yollar bağlanıb. Şəhərdə tarixi bir məscid tamamilə su altında qalıb.
Bosniya və Herseqovina Federasiyasının Mülki Müdafiə Heyətindən (FCUZ) edilən açıqlamada 5 nəfərin həyatını itirdiyi qeyd edilib. Çoxlu sayda itgin var.
Seldən zərər çəkmiş ərazilərdə məktəblər bağlanıb, ictimai nəqliyyaın bir müddət xidmət göstərməyəcəyi qeyd edilib.
Cəmalə
