London, 4 oktyabr, AZƏRTAC
Böyük Britaniya Livana göstərdiyi humanitar dəstəyi gücləndirərək əlavə 10 milyon funt sterlinqlik yardım paketi elan edib.
AZƏRTAC xəbər verir ki, Britaniya bundan əvvəl Livanda təmiz su, sanitariya xidmətlərinə, səhiyyə və qida təminatına dəstəyi artırmaq məqsədilə UNICEF-ə 5 milyon funt sterlinqlik yardım etmişdi.
Qeyd edək ki, Böyük Britaniya hökuməti Livanda olan bütün vətəndaşlarına təcili olaraq ölkəni tərk etməyi tövsiyə edib və Livandan çıxmaq istəyən vətəndaşlarına kömək məqsədilə əlavə çarter reyslər təşkil edib.
Aytən Abbaslı
AZƏRTAC-ın xüsusi müxbiri
London
