“The Guardian” Respublikaçılar Partiyasından prezidentliyə namizəd Donald Trampın özəl xeyriyyə yeməyində çıxışının 12 dəqiqəlik səs yazısını əldə edib.
Orada Tramp iddia edir ki, demokrat Kamala Harris qalib gəlsə, ABŞ cəhənnəmə qərq olacaq və bu seçkilərin özü də sonuncu olacaq. “Biz qalib olmalıyıq və qalib gəlməsək, bu ölkə cəhənnəmə gedəcək… Bilirsiniz, belə bir deyim var ki, bu, bizim son seçkimiz ola bilər. Və mən bu ifadəyə həqiqətən inanıram”, – Donald Tramp bildirib.
Şəxsi şam yeməyi ABŞ prezidentliyinə namizədlərin teledebatlarından təxminən bir ay əvvəl baş tutub, – “The Guardian” qeyd edir. Donald Tramp çıxışında Kamala Harrisin debatlarda dəhşətli olmasını təklif edib. Verilişdən sonra CNN-in sorğusuna əsasən, respondentlərin 44%-i Kamala Harris, 40%-i Donald Trampı qalib adlandırıb. Nəşr bildirir ki, qapalı görüşdə milyarder Tomas Peterffi, Texas ştatının qubernatoru Qreq Ebbot, Kolorado konqresmeni Lauren Boebert və digər amerikalı siyasətçilər və iş adamları iştirak ediblər. Tədbirdə Donald Tramp öz seçki kampaniyası üçün 12 milyon dollar toplayıb.
//Samir Qurbanov, Editor.az
