“Neftçi”nin baş məşqçisi Roman Qriqorçukun istefa verməsi ilə bağlı xəbərlər yayılıb.
Klubdan Sfera.az-a verilən məlumata görə, yayılan xəbərlər həqiqəti əks etdirmir.
Qeyd edək ki, “Neftçi” hazırda tarixinin ən bərbad mövsümünü keçirir. Klub geridə qalan 9 tur ərzində qələbə üzünə həsrət qalıb. Hazırda aktivində beş xalı olan bakılılar, turnir cədvəlinin 8-ci pilləsində qərarlaşıb. Qriqorçukun komandası bu gün Premyer Liqasının 9-cu turu çərçivəsində digər autsayder “Kəpəz”ə də 3:4 hesabı ilə uduzub.
