"Real Madrid"də çıxış edən Kilian Mbappe həmyerlisi Pol Poqbanın diskvalifikasiyasının azaldılması ilə bağlı açıqlama verib.
90deqiqe.Az xəbər verir ki, bu barədə fransalı futbolçu sosial şəbəkə hesabında yazıb.
“Aman Allahım, necə gözəl xəbərdir” - deyə, futbolçu qeyd edib.
Xatırladaq ki, Poqba qanunsuz narkotikdən istifadə edərək yaxalanıb. Əvvəlcə futbolçu dörd il müddətinə diskvalifikasiya olunub. Bu qərardan sonra fransalı yarımmüdafiəçi apellyasiya şikayəti verib. Oktyabrın 4-də İdman Arbitraj Məhkəməsi 31 yaşlı ifaçının cəzasını 1,5 ilə qədər azaldıb. Hazırda Pol Turin "Yuventus"unun oyunçusudur. Onun müqaviləsi 2026-cı ilin iyunun sonuna kimidir.
