“Kontakt” mağazalar şəbəkəsinin böyük coşqu ilə davam edən “Şeş-Qoşa” kampaniyası yenə unudulmaz anlar yaşatdı! Kampaniyanın böyük final tədbirində möhtəşəm sürprizlər və həyəcan dolu anlar yaşandı, növbəti "Toyota Corolla Cross" avtomobili öz sahibini tapdı.
"Unikal" xəbər verir ki, bu şanslı iştirakçı isə evinin yaxınlığındakı “Kontakt”a sadəcə bir aspirator almağa gələn Ləman Mirzəliyeva oldu! Oğlu Fatehin əlinin düşərli olduğuna inanan Ləman xanım o gözlənilməz anı belə ifadə edir:
“Bu gün həyatımın ən böyük hədiyyəsini aldım! Tamamilə oğlumun şansı olduğuna inanıram. Çünki o maşını mağazanın önündə gördüyü ilk gündən deyirdi ki,ana, bu maşın sənin olacaq. İlk şeşləri atanda onunla idim, finala da şeş-qoşa atmağa onunla gəldim. O əmin idi, mən isə narahat. Maşının açarlarını əlimdə tutana qədər inana bilmirdim ki, bu doğrudan da baş verir. Sabahdan sürücülük dərslərinə başlayıram”
Ləman xanımdan əlavə, finalda düz 16 nəfər iştirakçı kampaniyanın mükafatları uğrunda şanslarını sınayıb. Hər atışın səhnə monitorlarında və sosial mediada canlı yayımda nümayiş etdirildiyi bu tədbirdə cüt zərlər təkcə Ləman xanımın üzünə gülüb. Kampaniyanın “Hər kəs sevinəcək” devizinə uyğun olaraq isə digər iştirakçıların hər biri aldıqları məhsulun tam dəyərinin 100%-ni və "Kontakt"dan hədiyyə kartı qazandılar.
Tədbirin ən maraq doğuran tərəfi isə Xalq artisti Aygün Kazımovanın səhnəyə tamam fərqli obrazda çıxması oldu. “Kontakt” sevərləri və öz sevənlərini bir araya toplayan Kazımova hit ifaları ilə gecəyə xüsusi rəng qatdı və daha da önəmlisi, avtomobil qalibinə açarları şəxsən özü təqdim etdi. Pop-divanın sevinclə elan etdiyi başqa bir xəbər isə o oldu ki, "Şeş-Qoşa" kampaniyası noyabrın sonuna qədər uzadıldı! Yəni, yenə və yenidən iki böyük mükafat - “Toyota Corolla Cross” və “Sea Breeze”dən lüks mənzil qazanmaq imkanınız olacaq!
Odur ki, böyük hədiyyələr və sevinc dolu anlar yaşadan “Şeş-Qoşa” kampaniyası bütün sürəti ilə davam edir. Bu dəfə şanslılar siyahısında sizin də adınız ola bilər.
Daha ətraflı məlumat əldə etmək üçün bu keçidə daxil ola bilərsiniz.
