Ermənistanın baş naziri Nikol Paşinyan Rusiya Prezidenti Vladimir Putini ad günü münasibətilə təbrik edib.
Korrespondent.az erməni mediasına istinadən bildirir ki, baş nazir Ermənistan-Rusiya əməkdaşlığının ardıcıl şəkildə gücləndirilməsinin vacibliyini qeyd edib.
Paşinyan qarşılıqlı faydalı tərəfdaşlığın birgə fəallaşacağını gözlədiyini də vurğulayıb. O, qarşılıqlı anlaşma, etimad və ölkələrin maraqlarına əsaslanan ikitərəfli dialoqun inkişaf etdirilməsinin vacibliyini bildirib.
Qeyd edək ki, oktyabrın 7-də Rusiya Prezidenti Vladimir Putinin 72 yaşı tamam olur.
