Rusiyadan Türkiyəyə səfərlərin təxminən 10%, Gürcüstana 31%, Azərbaycana isə 26% artması fonunda Ermənistan Rusiyadan gələn qonaqlarını itirir.
KONKRET.az xəbər verir ki, bu barədə erməni ekspertlər həyəcan siqnalı verir. Təqdim edilən statistik araşdırmalara görə, Rusiya səyahətləri üçün ən yaxşı istiqamətlər arasında yalnız iki uduzan var – Ermənistan (mənfi 17%) və Qazaxıstan (mənfi 9%).
Ermənistandan qaçan təkcə turistlər deyil. Artıq pullar da ölkədən çıxmağa başlayıb.
Ekspert Vahe Davtyan daha sonra deyir:
“2023-cü ildə Ermənistana birbaşa xarici investisiyaların xalis axını 443 milyon dollar təşkil edib ki, bu da əvvəlki illə müqayisədə 2,5 dəfə azdır, real sektora investisiyaların azalması isə 31,5% təşkil edib. Bundan əlavə, 2023-cü ildə Ermənistandan əhəmiyyətli kapital axını qeydə alınıb: il ərzində xaricə təxminən 4,5 milyard ABŞ dolları ixrac edilib ki, bu da əvvəlki illə müqayisədə 55% (və ya təxminən 1,5 milyard ABŞ dolları) çoxdur.
Hələ faciə qarşıdadır. Çünki Paşinyan hələ KTMT-dən çıxmayıb və Rusiya Federasiyası ilə başqa körpüləri yandırmayıb”.
Günel Mikayılova,
KONKRET.az
