Fransa prezidenti Makron İsrailə silah göndərilməsini dayandırmağa çağırıb; İsrailin baş naziri Netanyahu bu çağırışı sərt sözlərlə tənqid edib.
Fransa prezidenti Emmanuel Makron bəyan edib ki, İsrailə silah tədarükünün dayandırılması lazımdır. France Inter radiosunda danışan Makron, "Bu gün prioritet Qəzzada qarşıdurmanı davam etdirən silah daşınmasını dayandırmaq və siyasi həll yoluna qayıtmaqdır" dedi. O əlavə edib ki, Fransa artıq İsrailə silah göndərmir.
Fransanın 2022-ci ildəki ümumi müdafiə büdcəsindən İsrailə silah tədarükünün təxminən 15 milyon avro olduğu bildirilib. Fransanın silahlı qüvvələrdən məsul naziri Sebastien Lecornu bildirib ki, Fransanın müdafiə ixracatının yalnız 0,2 faizi İsrailə edilib.
Makron iki həftə əvvəl Parisdə Dünya Yəhudi Konqresinin prezidenti Ronald S.Lauderlə görüşüb və İsrail-Qəzza münaqişəsini və girovların vəziyyətini müzakirə edib. Makronun açıqlamaları ABŞ-ın İsrailə illik 3,4 milyard avroluq hərbi yardımı ilə ziddiyyət təşkil edir.
Fevral ayında Makrona yazdığı məktubda Beynəlxalq Amnistiya Təşkilatının Fransadakı prezidenti Jean-Claude Samouiller İsrailə bütün silah satışlarının dayandırılmasını tələb edib. Fransada ifrat solçu Əyilməyən Fransa Partiyasının üzvləri də uzun müddətdir ki, hökuməti tənqid edirlər.
Makronun açıqlamaları zamanı Parisin mərkəzində minlərlə etirazçı Qəzza və Livanda müharibələrə son qoymağa çağırıb. Eyni gündə Roma, Brüssel, London və Afinada da oxşar etiraz aksiyaları keçirilib.
Netanyahudan sərt cavab
İsrailin baş naziri Benyamin Netanyahu Makronun silah embarqosu çağırışına reaksiya verib. Makron və digər Qərb liderlərinin İsrailə silah embarqosu tələblərini qınayan Netanyahu “Onlar özlərindən utanmalıdırlar” deyib.
O, sosial media platformasında açıqlamasında bildirib İranın dəstəklədiyi Hizbullahın daha böyük hücumlar planlaşdırdığını iddia edən Netanyahu sivil ölkələrin İsrailə dəstək verməli olduğunu müdafiə edib.
Livandakı əməliyyatların dayandırılması lazım olduğunu bildirən Makron, "Livan xalqının qurban verilməsinə icazə verməməliyik. Livan ikinci Qəzza olmamalıdır" dedi..
