Sosial Tədqiqatlar Mərkəzi dövlət orqanları və cəmiyyət arasında əlaqələrin yeni keyfiyyət mərhələsində vətəndaşların kommunikasiya xətlərinə əlçatanlığı və vətəndaşların informasiya təminatına əsaslanan idarəetmənin dəstəklənməsi məqsədilə dövlət orqanlarının (qurumlarının) kommunikasiya xətlərinin fəaliyyəti ilə bağlı monitorinq aparıb.
STM-dən Axar.az-a verilən məlumata görə, Monitorinq nəticələrinə əsasən, nazirliyin stasionar nömrələrinə günün birinci və ikinci yarısında edilən zənglərin 63.6%-nə cavab verilib, 36.4%-nə cavab verilməyib. Günün birinci yarısında stasionar əlaqə vasitəsi üzrə zənglərin cavablandırılmasında orta müddət 6 saniyə, günün ikinci yarısında 5 saniyə olub.
Qaynar xəttə günün birinci və ikinci yarısında edilən bütün zənglər yüksək operativliklə cavablandırılıb. Günün birinci yarısında zənglərə cavab vermə üzrə 7 saniyə, günün ikinci yarısında 6 saniyə orta müddət qeydə alınıb.
İqtisadiyyat Nazirliyi - monitorinq nəticələrinə əsasən, nazirliyin stasionar nömrələrinə günün birinci və ikinci yarısında edilən zənglərin 63.6%-nə cavab verilib, 36.4%-nə cavab verilməyib. Günün birinci yarısında stasionar əlaqə vasitəsi üzrə zənglərin cavablandırılmasında orta müddət 6 saniyə, günün ikinci yarısında 5 saniyə olub.
Qaynar xəttə günün birinci və ikinci yarısında edilən bütün zənglər yüksək operativliklə cavablandırılıb. Günün birinci yarısında zənglərə cavab vermə üzrə 7 saniyə, günün ikinci yarısında 6 saniyə orta müddət qeydə alınıb.
Əmək və Əhalinin Sosial Müdafiəsi Nazirliyi - nazirliyin qaynar xətti üzrə nəticələrə əsasən, günün birinci və ikinci yarısında ümumilikdə zənglərin yarıdan çoxuna və ya 54.5%-nə cavab verilib, 45.5%-nə cavab verilməyib. Günün birinci yarısında zənglərə cavab vermə üzrə 11 saniyə, günün ikinci yarısında 53 saniyə orta müddət qeydə alınıb. Təhlillər günün ikinci yarısı ilə müqayisədə günün birinci yarısında edilən zənglərə daha sürətli cavab verildiiyni göstərib.
Rəqəmsal İnkişaf və Nəqliyyat Nazirliyi - monitorinq müddətində stasionar nömrələr üzrə günün birinci və ikinci yarısında cavab verilmiş zənglər 95.5%, cavab verilməmiş zənglər 4.5% olub. Günün birinci yarısında zənglərə cavab vermə üzrə orta müddət 47 saniyə, günün ikinci yarısında 1 dəqiqə 9 saniyə olub. Nəticələrdən də göründüyü kimi, günün ikinci yarısından fərqli olaraq, günün birinci yarısında zənglərə 22 saniyə fərqlə daha tez cavab verilib. Qaynar xəttə edilən zənglərin cavablandırılmasında yüksək operativlik müşahidə edilib. Belə ki, günün birinci və ikinci yarısında qaynar xəttə edilən bütün zənglərə cavab verilib. Günün birinci yarısında zənglərə cavab vermədə orta müddət 25 saniyə, günün ikinci yarısında 10 saniyə olub. Nəticələrə əsasən, stasionar nömrələrdən fərqli olaraq, qaynar xəttə günün birinci və ikinci yarısında edilən zənglərə daha tez cavab verilib.
Fövqəladə Hallar Nazirliyi - ümumilikdə, nazirliyə məxsus stasionar nömrəyə günün birinci və ikinci yarısında edilən bütün zənglər operativliklə cavablandırılıb. Günün birinci yarısında stasionar əlaqə vasitəsi üzrə zənglərə cavab vermədə orta müdət 9 saniyə, günün ikinci yarısında 14 saniyə olub. Qaynar xəttə edilən zənglərin cavablandırılmasında yüksək operativlik müşahidə edilib. Belə ki, günün birinci və ikinci yarısında edilən bütün zənglərə cavab verilib. Günün birinci yarısında zənglərə cavab vermə üzrə orta müddət 18 saniyə, günün ikinci yarısında 13 saniyə təşkil edib.
Kənd Təsərrüfatı Nazirliyi - nazirliyin stasionar nömrələri üzrə cari monitorinq nəticələrinə əsasən, sözügedən kommunikasiya xəttinə günün birinci və ikinci yarısında edilən zənglərin 50.0%-nə cavab verilib, 50.0%-nə cavab verilməyib. Günün birinci yarısında stasionar əlaqə vasitəsi üzrə zənglərə cavab vermədə orta müddət 41 saniyə, günün ikinci yarısında 39 saniyə olub.
Qaynar xəttə edilən zənglərin cavablandırılmasında yüksək operativlik müşahidə edilib. Günün birinci və ikinci yarısında zənglərin 90.9%-i cavablandırılıb, 9.1%-i cavablandırılmayıb. Günün birinci yarısında zənglərə cavab vermədə orta müddət 34 saniyə, günün ikinci yarısında 5 saniyə təşkil edib.
Aparılan təhlillər qaynar xətlə müqayisədə stasionar nömrələrə günün ikinci yarısında zənglərə daha tez cavab verildiyini göstərib.
Qeyd edək ki, Sosial Tədqiqatlar Mərkəzi tərəfindən 22 may – 27 iyun 2024-cü il tarixində 39 dövlət orqanı (qurumu) və 77 yerli icra hakimiyyəti orqanı olmaqla ümumilikdə 116 dövlət orqanının (qurumun) stasionar və qaynar xətlərinə təqribən 3500-ə yaxın zəng edilib. Monitorinqin nəticələrinə əsasən, stasionar nömrələr və qaynar xətlər üzrə ümumilikdə 1927 zəngə (59.2%) cavab verilib, 1328 zəngə (40.8%) cavab verilməyib. 198 zəng üzrə nömrə məşğul olub və ya aktiv olmayıb.
Monitorinq çərçivəsində dövlət orqanları (qurumları) üzrə 25 mərkəzi icra hakimiyyəti orqanının stasionar və qaynar xətlərinə edilən zənglərin ümumilikdə 68.4%-nə (617 zəng) cavab verilib, 31.6%-nə (285 zəng) cavab verilməyib.
Dövlət orqanlarının (qurumlarının) və yerli icra hakimiyyəti orqanlarının kommunikasiya xətlərinin günün birinci və ikinci yarısında olmaqla ikimərhələli şəkildə monitorinqi həyata keçirilib.
Monitorinq çərçivəsində edilən bütün zənglərin video qeydiyyatı aparılıb.
Monitorinq yekunlaşdıqdan sonra toplanılan məlumatlar qurumlar və kateqoriyalar üzrə təsnifatlaşdırılıb. Müvafiq qurumlar üzrə təsnifatlaşdırılan məlumatlar bazaya daxil edilərək xüsusi proqram SPSS – (Sosial Elmlər üzrə Statistik Proqram Paketi) vasitəsilə təhlil edilib və yekun nəticələr əsasında hesabat hazırlanıb.
