Xorvatiyanın paytaxtı Zaqrebdə bədii gimnastika üzrə “Aura Cup” turniri keçiriləcək.
İdman.biz xəbər verir ki, yarış oktyabrın 10-da start götürəcək.
Turnirə məşqçi Aysel Həsənovanın rəhbərliyi altında yollanan Azərbaycan millisinin iki gimnastı da mükafatlar üçün mübarizə aparacaq. Sofiya Məmmədova gənclərin yarışına qatılacaq.
Nur Sadıqova isə yeniyetmələrin mübarizəsində iştirak edəcək. Azərbaycan hakimi Vəfa Bəkərova turnirin ədalət təmsilçiləri arasında yer alacaq.
Qeyd edək ki, turnirə oktyabrın 13-də yekun vurulacaq.
