Çinin əsas fond indeksləri ölkə hakimiyyətinin yaxınlarda elan etdiyi iqtisadi stimullaşdırma tədbirləri ilə bağlı investorların narahatlıqları səbəbindən kəskin eniş yaşayıb. Belə ki, “Shanghai Composite” – 6.6%, “Shenzhen Composite” – 8.1%, “CSI 300” – 7%, “Hang Seng” isə 1.3% ucuzlaşıb. Eyni zamanda, Asiya indekslərinin qalan hissəsi bu gün orta dərəcədə müsbət dinamika nümayiş etdirib: Yaponiyanın “Nikkei 225” indeksi 0.9% qazanıb, Hindistanın “Bombay Sensex” indeksi 0.4%, “Taiwan SE” isə 0.2% artıb.
Analitiklər Çin indekslərinin aşağı düşməsini Çin Mərkəzi Bankının sentyabrın sonunda təqdim etdiyi iqtisadi stimullaşdırma planı ilə bağlı investorların qeyri-müəyyənliyi ilə əlaqələndirirlər. Nəşrdən sonrakı ilk günlərdə investorlar plana nikbin baxısalar da, indi onun həyata keçirilməsinin ilk təfərrüatları ortaya çıxmağa başladığı üçün nikbinlik öz yerini qeyri-müəyyənliyə verib.
Keçən həftə “Nikkei” tərəfindən sorğu edilən Çin iqtisadçıları artıq 2024-cü ilin sonunda Çinin ÜDM-i ilə bağlı proqnozlarını aşağı salıblar. Əgər iyulda onların ÜDM-in artımı ilə bağlı konsensus proqnozu 4.9% idisə, indi bu, 4.8% təşkil edir. “IG” broker firmasının analitiki Yep Chun Ron bildirir ki, stimal tədbirlərinin qeyri-adekvatlığı narahatlığa səbəb olub və bir çox bazar iştirakçıları Mərkəzi Bankın fiskal tədbirlərinin ardınca hökumətin fiskal yumşaldıcı tədbirlər görəcəyinə ümid edirlər.
