Bu yay "Liverpul"dan ayrılan Yurgen Kloppun yeni iş yeri müəyyənləşib.
QOL.az xəbər verir ki, bu barədə "Sky Sport" məlumat yayıb. Almaniyalı mütəxəssis "Red Bull"da futbol rəhbəri olacaq.
57 yaşlı məşqçi "Red Bull" şirkətinin "Leyptsiq", "Zalsburq", "Nyu York Red Bulls" və digər komandalarının inkişaf strategiyasına cavabdeh olacaq. Klopp 2025-ci il yanvarın 1-də işə başlayacaq.
Qeyd edək ki, Klopp 2015-ci ilin oktyabr ayından rəhbərlik etdiyi "Liverpul"dan bu yay ayrılıb. O, "mersisaydlılar"la 1 dəfə Premyer Liqanın, 1 dəfə İngiltərə Kubokunun, 1 dəfə ölkə superkubokunun, 1 dəfə Çempionlar Liqasının və 1 dəfə UEFA Superkubokunun qalibi olub. Həmçinin Klopp 2 dəfə İngiltərə liqa kubokunu qazanıb.
