Azərbaycan Futzal Federasiyasının İcraiyyə Komitəsinin iclası keçirilib.
QOL.az xəbər verir ki, İK üzvləri Yüksək Liqanın 2024-2025-ci il mövsümündə iştirak edəcək komandaların siyahısını təsdiqləyib.
Bu çempionatda 6 komanda - “Araz-Naxçıvan”, “Baku Fire”, “Neftçi” İK, “Yasamal Bakı”, U-19 və “Şuşa” iştirak edəcək. Mövsümün püşkü oktyabrın 15-də, saat 14:00-da AFFA-nın konfrans zalında atılacaq. I turun oyunları oktyabrın 22-də keçiriləcək.
Birinci Liqada isə 12 komanda iştirak edəcək. Oyunlara oktyabrın 20-də start veriləcək.
“Yay Transfer pəncərəsi” oktyabrın 21-i, saat 23:59-da bağlanacaq.
Qeyd edək ki, artıq 3 mövsümdür ki, Yüksək Liqada 6 komanda iştirak edir.
