“Bizim bugünkü sessiyamız çağırışları təhlil etmək və praktiki həlləri tapmaq imkanı yaradır”.
APA xəbər verir ki, bunu COP29-un baş danışıqçısı Yalçın Rəfiyev “Pre-COP29: Ambisiyaların Yüksəldilməsi və Fəaliyyətin Aktivləşdirilməsi” adlı panel müzakirəsində deyib.
O bildirib ki, bizim diqqətimiz daha çox iqlim dəyişikliyi istiqamətində mübarizə metodlarından istifadə ilə bağlıdır: “Paris sazişinin müddəalarını reallaşdırmaq istiqamətində müzakirələr aparacağıq. Öz kollektiv məsuliyyətimizi icra etməliyik”.