Qərbin dəstəyi azalır: Qış Ukrayna üçün çətin keçəcək

7NEWS.az xəbər verir ki, Ukrayna ilə Rusiya arasında müharibənin üçüncü ili davam etdiyi bir vaxtda çətin qışın ayaq səsləri eşidilməyə başlayıb. Elektrik infrastrukturu xarab olduğundan ukraynalılar hər gün saatlarla işıqsız və istiliksiz yaşamağa məcbur ola bilərlər. Bu arada Vaşinqtonda və bəzi Qərb paytaxtlarında əhval-ruhiyyə dəyişməyə başlayıb. Çətin keçəcək qış Qərbin Ukraynaya dəstəyinin azalması ilə müharibənin daha da təhlükəli olacağından xəbər verir. Bəzi Qərb paytaxtları "ümumi qələbə” istəyindən uzaqlaşaraq danışıqlar variantına doğru irəliləsə də, Ukraynanın müharibə məqsədləri məcburi dəyişikliklə üz-üzədir.