“Real”ın gənclər komandasının baş məşqçisi Raul mövsümün sonunda vəzifəsini tərk edəcək.
QOL.az xəbər verir ki, bu barədə "Marca" məlumat yayıb. 48 yaşlı mütəxəssisi klubun sabiq müdafiəçisi, hazırda Madrid təmsilçisinin U-19 komandasını çalışdıran Alvaro Arbeloa əvəz edəcək. Raul klubda başqa vəzifəni tutacaq. Onun əsas komandanın baş məşqçisi Karlo Ançelottinin texniki heyətində yer ala biləcəyi də qeyd olunur.
Qeyd edək ki, Raul 2019-cu ildən "Real"ın gənclərdən ibarət komandasına rəhbərlik edir. O, futbolçu karyerasında 1994-2010-cu illərdə "Real"da oynayıb.
